Teknologjia e ngrirjes
Ruani ushqimet për një kohë më të gjatë. Kushtet optimale të ruajtjes për ushqimet tuaja të ngrira.
Çfarë duhet të bëni nëse keni blerë ose ju kanë tepruar shumë ushqime? Produktet tona e kanë zgjidhjen: ngrijini ato në mënyrë delikate. Falë integrimit të teknologjive novatore të freskisë, frigoriferët tanë ngrirës ruajnë vitaminat dhe lëndët ushqyese në ushqime në rast se nuk mund t'i përdorni ato menjëherë. Kjo ju mundëson të ruani ushqimet tuaja për një kohë të gjatë dhe gjithashtu kontribuon në shmangien e shpërdorimit të tyre.
NoFrost. Nuk është nevoja më për shkrirje, vetëm freski dhe komoditet më të lartë.
Kushte optimale të ruajtjes për ushqimet tuaja të ngrira dhe ekonomik për sa i përket konsumit të energjisë. Ushqimi juaj ngrihet me ajër të ftohur të riqarkulluar dhe lagështirë të hequr. Kjo mbron ndarjen e ngrirësit nga akulli i padëshiruar, i cili konsumon shumë energji të shtrenjtë. NoFrost eliminon nevojën për shkrirje të lodhshme dhe që ju merr kohë të ndarjes së ngrirësit, duke ju dhënë kështu më shumë kohë për gjëra të tjera – dhe duke ju kursyer para. Vitaminat dhe vlerat ushqyese ruhen për një kohë më të gjatë.
SmartFrost. Shkrirje më e rrallë, pastrim i lehtë.
Teknologjia jonë e besueshme SmartFrost redukton ndjeshëm grumbullimin e ngricave në brendësi dhe në ushqimet e ngrira. Që do të thotë se nuk nevojitet të kryhet shpesh shkrirje. Muret e brendshme të lëmuara e bëjnë më të lehtë pastrimin e pajisjes. Avulluesi është i integruar në izolimin e shkumës dhe siguron nivele të larta të efikasitetit të energjisë si dhe ftohje të njëtrajtshme.
StopFrost. Shkrirje më e rrallë, grumbullim i reduktuar i akullit në frigoriferin ngrirës banak.
Funksioni ynë novator StopFrost ofron përfitime të mëdha: Grumbullimi i ngricave në ndarjen e ngrirësit dhe në ushqimet tuaja të ngrira reduktohet ndjeshëm; kjo do të thotë se do t'ju duhet të shkrini shumë më rrallë, duke ju lënë kohë për gjëra më të rëndësishme. Për më tepër, StopFrost parandalon formimin e një vakumi në hapjen dhe mbylljen e kapakut të frigoriferit banak, që do të thotë se mund ta hapni lehtësisht atë.
FrostProtect. Funksionim optimal dhe në temperatura të ulëta ambienti.
Për të siguruar funksionimin optimal të frigoriferëve tanë ngrirës edhe në temperatura të ulëta ambienti, pajisjet tona janë të pajisura me FrostProtect, që u mundëson të punojnë në temperatura deri në -15 °C. Nëse temperatura e ambientit bie nën +10 °C, frigoriferët tanë ngrirës vazhdojnë të punojnë me po aq efikasitet. Kjo do të thotë se pajisjet tona me FrostProtect mund të mbahen në dhoma pa ngrohje si p.sh në garazh.
