ЧПП за апаратите од Liebherr
Тука составивме список на често поставувани прашања за фрижидерите и замрзнувачите од Liebherr. Сепак, ако не можете да го најдете одговорот на вашето прашање тука, слободно обратете се во центарот за информации. Тој работи од понеделник до петок, од 8:30 до 17:00 часот
Општи информацииТранспортАпаратиРезервни деловиДефектиНегаФункцииСкладирање храна
Општи информации
Ознаката на апаратот се наоѓа на сериската плочка на апаратот. Сериската плочка се наоѓа внатре лево кај самостојните и целосно вградените апарати и надвор десно кај замрзнувачите сандаци. Повеќе информации и детален цртеж од сериската плочка може да најдете на веб-страницата:
Сериска плочка на апаратите од Liebherr
9-цифрениот сервисен број се наоѓа на сериската плочка на апаратот (втор ред на сериската плочка). Сериската плочка се наоѓа внатре лево во апаратот кај самостојните и целосно вградените апарати и надвор десно кај замрзнувачите сандаци.
Повеќе информации за сериските плочки може да најдете на веб-страницата: Сериска плочка на апаратите од Liebherr
Информациите може да ги најдете на сериската плочка на апаратот. Сериската плочка се наоѓа внатре лево во апаратот кај самостојните и целосно вградените апарати и надвор десно кај замрзнувачите сандаци (цртеж): Повеќе информации за сериската плочка
Информациите може да ги најдете на сериската плочка на апаратот. Сериската плочка се наоѓа внатре лево во апаратот кај самостојните и целосно вградените апарати и надвор десно кај замрзнувачите сандаци (цртеж): Повеќе информации за сериската плочка
Liebherr го користи начинот на мерење на потрошувачката на енергија во согласност со ISO 62552.
За да бидеме сигурни дека фрижидерот или замрзнувачот работи оптимално секаде, има ознака за климатската класа. Таа се наоѓа на сериската плочка и дава информации за амбиенталната температура во којашто апаратот може идеално да се користи.
На пример, може да има:
SN од +10 °C до +32 °C
N од +16 °C до +32 °C
ST од +16 °C до +38 °C
T од +16 °C до +43 °C
Ако апаратот е означен со климатска класа SN-T, може да функционира на амбиентална температура од +10 °C до +43 °C.
Повеќе информации за климатските класи може да најдете на блогот на Liebherr-Hausgeräte:
„Што значи климатската класа на фрижидерот?“.
Ознаката „време на складирање во случај на дефект“ го означува бројот на часови додека температурата не се качи од –18 °C до –9 °C во случај на дефект на апаратот.
Од –9 °C нагоре е критична вредност над која храната не треба повеќе да се конзумира.
Транспорт, инсталација и местоположба
- Во случај на инсталација врата-на-врата, вратата од мебелот не е поврзана на трупот од мебелот и е монтирана директно на вратата од фрижидерот со опремата за инсталација. Затоа вратата на фрижидерот ја носи тежината на вратата од мебелот. Искористливата широчина на вдлабнатината на мебелот не се намалува со шарките на мебелот. Во врска со ова, го препорачуваме видеото за обука на Youtube.
- Во случај на склопка со врата лизгач, вратата на мебелот е прикачена директно на високиот елемент со шарките од мебелот. Вратата од мебелот е поврзана со вратата од фрижидерот преку систем со лизгач на шина. Кога ќе се отвори вратата на мебелот, вратата од фрижидерот се отвора со лизгање на шината. Во врска со ова, го препорачуваме видеото за обука на Youtube.
Можно е да се префрлите од врата лизгач на инсталација со врата-на-врата.
Liebherr-Hausgeräte општо препорачува дека фрижидерите и замрзнувачите од Liebherr треба да се траспортираат во исправена положба. Тоа е така затоа што компресорот може да се оштети од вибрациите кога апаратот се транспортира легнат.
Ако сепак апаратот ви стигне во лежечка положба и по активирањето откриете дека е оштетен, веднаш обратете се во сервисот.
Може да го ставите во употреба апаратот од Liebherr веднаш штом го поставите. Нема време на чекање.
Ако амбиенталната температура е под +10 °C, не можеме да гарантираме дека апаратот ќе функционира правилно. Општо земено, апаратите секогаш треба да се користат во рамките на климатските класи.
За повеќе информации за амбиенталните температури, погледнете ја статијата за климатски класи на блогот на Liebherr-Hausgeräte:
Апаратите од Liebherr со можност за вода од мрежа може да се користат и без да бидат поврзани на мрежата. Исто така, може и да го исклучите IceMaker. Во тој случај не мора да го исклучувате апаратот од уредот за вода од мрежа.
За купувањето апарати
Liebherr нема својата продавница. Фрижидерите и замрзнувачите од Liebherr ги има кај овластени специјализирани застапници на Liebherr. Секако, може да добиете детални совети и директно од специјализираните советници таму. Може да го најдете најблискиот застапник на Liebherr до вас преку пребарување на поштенскиот број.
Нашите апарати може да се видат и да се купат само кај овластени специјализирани застапници на Liebherr. Ви предлагаме да се јавите кај специјализираниот застапник однапред за да дознаете дали апаратот за кој се интересирате е во продажниот салон. Може да го најдете најблискиот застапник на Liebherr до вас преку пребарување на поштенскиот број.
Најновите брошури за апаратите на Liebherr може да се преземат од веб-страницата од ставката на менито Сервис - Преземања - Брошури.
Може да го најдете најблискиот застапник на Liebherr до вас преку пребарување на поштенскиот број на веб-страницата на Liebherr-Hausgeräte.
Може да најдете информации за цените на апаратите директно од специјализираниот застапник на Liebherr
Резервни делови и додатоци
Ако сакате да купите резервни делови или додатоци, може да се обратите директно до Продажба на додатоци и резервни делови.
Нега и одржување
Препорачуваме чистење на заптивките на вратата само со чиста вода. За отстранување на тврдокорната нечистотија, во водата може да додадете малку средство за чистење.
За сите апарати од Liebherr од нерѓосувачки челик, препорачуваме да се користат само нашите средства за чистење. Исчистете го апаратот од нерѓосувачки челик со средството за чистење нерѓосувачки челик и потоа исполирајте го со средство за полирање нерѓосувачки челик. Може да ги нарачате овие производи директно од продажба на резервни делови.
Овие производи не смее да се користат на предните површини SmartSteel. Препорачуваме да се чистат со влажна крпа и веднаш да се избришат и исушат со памучна крпа. Повеќе информации за чистењето на фрижидерите може да најдете на блогот на Liebherr-Hausgeräte:
Функции
HolidayMode ја регулира температурата на ладење на апаратот со или без BioFresh на приближно +15 °C. Со тоа се штеди енергија, на пример, кога сте отсутни подолг период и се спречува развој на непријатни мириси. Кај апарати со функција за замрзнување, температурата на преградата за замрзнување останува како што е поставена. Препорачуваме да не чувате храна во фрижидерот кога работи HolidayMode.
Функцијата SuperCool ја намалува температурата на ладење на најниската температура на ладење (+2 °C) до 12 часа. Оваа функција е идеална за брзо ладење на свежо складирана храна.
Функцијата SuperFrost на апаратите Liebherr брзо ја намалува температурата на најниската температура на замрзнување (-32 °C), со што се создаваат ладни резерви за замрзнување со зачувување на витамините. Штом ќе заврши процесот на замрзнување, функцијата SuperFrost се враќа во нормален режим.
Функцијата за заклучување за деца кај апаратите од Liebherr спречува случајно исклучување на апаратот. Ја активирате функцијата заклучување за деца со тоа што ќе го притиснете симболот клуч. Кога е активна, светнува вградениот екран на апаратот.
Чување храна
Ниската влажност и температурата малку над таа на замрзнување се идеални за чување месо, риба и млечни производи. Функцијата BioFresh-DrySafe на Liebherr ја одржува оваа клима доследно во секое време и создава сува околина што е идеална за овој тип храна.
Може да дознаете повеќе за BioFresh од BioFresh Special.
Најдобро е овошјето и зеленчукот да се чуваат неотпакувани во BioFresh-HydroSafe. Ако е добро наполнето, климата е свежа со роса и максумална влажост од 90 проценти. Тоа е така затоа што овошјето и зеленчукот природно имаат висока содржина вода и тоа мора да се задржи за време на складирањето. Високата влажност и температура од речиси 0 °C во HydroSafe значи дека водата останува во храната - и таа останува свежа подолго.
Може да дознаете повеќе за BioFresh од BioFresh Special.