Првиот замрзнувач Cradle to Cradle Certified®
За нас, одговорноста кон производите значи да го гледаме целиот животен циклус на апаратите. Работиме многу за да бидеме дел од циркуларната економија со всадување на принципите на Cradle-to-Cradle (C2C). Наместо да го следи моделот „земи-направи-фрли“, C2C промовира циркуларен пристап за континуирана повторна употреба, рециклирање и биоразградување. Целта е да се остави најмалиот можен еколошки отпечаток. Ова отстапува од традиционалното размислување и поттикнува реконцептуализација на производите и услугите од почеток до крај; од колевка до колевка.
Првиот апарат што ги следи принципите на Cradle-to-Cradle е замрзнувачот FNXa 522i со технологија BluRoX. Развојот на овој замрзнувач значеше целосна промена на начинот на кој ја гледаме технологијата за замрзнувачи. Овој процес траеше преку 10 години и означи важна пресвртница во нашето патување. Патување за кое мислиме дека го означува патот кон иднина каде што кујните се одржливи онолку колку што се потребни. Иднина која не е линеарна, туку циркуларна.
Првиот замрзнувач Cradle to Cradle Certified®
Во Liebherr Hausgeräte одржливоста ја разбираме како нешто што ја надминува одговорноста за производите. Работиме многу за да бидеме дел од циркуларната економија со всадување на принципите на Cradle-to-Cradle (C2C). Наместо да го следи моделот „земи-направи-фрли“, C2C промовира циркуларен пристап за континуирана повторна употреба, рециклирање и биоразградување. Целта е да се остави позитивен еколошки отпечаток. Ова отстапува од традиционалното размислување и поттикнува реконцептуализација на производите и услугите од почеток до крај; од колевка до колевка.
Првиот апарат што ги следи принципите на Cradle-to-Cradle е замрзнувачот FNXa 522i со технологија BluRoX. Развојот на овој замрзнувач значеше целосна промена на начинот на кој ја гледаме технологијата за замрзнувачи. Овој процес траеше преку 10 години и означи важна пресвртница во нашето патување. Патување за кое мислиме дека го означува патот кон иднина каде што кујните се одржливи онолку колку што се потребни. Иднина која не е линеарна, туку циркуларна.
10 години на развој: запознајте се со некои од лицата зад револуционерниот замрзнувач во видеото за FNXa 522i.
„Cradle-to-Cradle е патување; нашата цел е да бидеме корисни за Земјата“.
д-р Анете Винтерл | Главен консултант на EPEA
Трите принципи на Cradle-to-Cradle
Филозофијата на дизајнот Cradle-to-Cradle се заснова на трите клучни принципи кои ја редифинираат одржливоста и ни помагаат да развиеме, затворени, регенеративни системи и производи.
Размислувај во кругови
Cradle-to-Cradle работи со два циклуси кои се надополнуваат: биолошкиот циклус каде што биоразградливиот материјал се враќа во природата, и технолошкиот циклус кој се концентрира на производите кои се дизајнирани за повторна употреба, поправка, или рециклирање.
Во технолошкиот циклус, производите кои не се биоразградливи се користат на начин со којшто не ѝ прават штетат на животната средина. Производите во технолошкиот циклус се дизајнирани да бидат повторно употребени, поправени, или рециклирани.
Во биолошкиот процес производите се направени од биоразградлив материјал без штетни адитиви. Овие производи се разградуваат природно и се враќаат во биосферата и помагаат во регенерацијата на природните ресурси.
Сертификацијата Cradle to Cradle Certified®
Cradle to Cradle Certified® е познат стандард за сертификација за производи што се развиени за циркуларна економија. Производите се оценуваат врз основа на дадени критериуми во категориите: материјално здравје, погодност за рециклирање, чист воздух и заштита на климата, заштита на водата и почвата и социјална праведност. Сертификацијата вклучува неколку нивоа и цели заради континуиран развој на производите и процесите.
„Има илјада мали чекори кои водат до голема промена“.
д-р Флориан Клаудел
Liebherr | специјалист за материјали
Циркуларен дизајн: технологијата BluRoX
Патот кон најновата иновација беше составен од безброј мали чекори. Поради тоа целосно го сменивме начинот на мислење за технологијата за ладење и замрзнување. Резултатот е BluRoX, нашата револуционерна вакуумска изолација со перлит која ги следи принципите на циркуларната економија. Технологијата не само што е исклучително енергетски ефикасна туку и ни овозможи да направиме замрзнувач каде што сите компоненти може повторно да се употребат.
BluRoX – иновацијата во вакуумска технологија со перлит
BluRoX е значително поефикасна од вообичаената изолација со пена. Наместо полиуретанска пена (PU), BluRoX користи многу поефикасна форма на изолација: вакуум. Ситно мелената карпа од лава, позната како перлит, ја стабилизира компонентата која се вакумира. Ниската топлинска спроводливост на перлитот комбинирана со изолационите својства на вакуумот обезбедува многу висока енергетска ефикасност.
Кога ќе му заврши работниот век на апаратот BluRoX, перлитот може да се отстрани од уредот и повторно да се употреби без потреба од значителна обработка. Покрај тоа, изолацијата BluRoX не е неповратно прилепена за околните компоненти, што значи дека надворешната обвивка и внатрешниот сандак исто така може лесно да се репарираат и повторно да се искористат.
FNXa 522i – првиот замрзнувач Cradle to Cradle Certified®
Liebherr е пионер во развојот на иновативна технологија на ладење од 1954 година. Замрзнувачот FNXa 522i, опремен со патентирана технологија BluRoX, го унапредува овој пионерски дух. Поаѓајќи од вулкански камен и храбра идеја, го сменивме начинот на мислење за технологијата на замрзнување од темел и ја револуционализиравме.
Од првиот ден, ефикасноста, повторната употребливост и поправливоста се интегрирани во дизајнот на производот, целосно во склад со циркуларната економија. Тоа може да се види и на модулот за ладење во основната преграда која може лесно да се вади за да овозможи брзо одржување. Покрај тоа, важни компоненти може да се одвојат и сортираат на крајот од животниот циклус и повторно да се употребат, што го намалува влијанието врз животната средина.
Награден со бронза за Cradle to Cradle Certified®
Замрзнувачот FNXa 522i на Liebherr беше награден со сертификацијата бронза за Cradle to Cradle Certified®: доказ за тоа колку сме посветени на одрживоста и колку сме иновативни при дизајнирањето производи.
„Моравме целосно да го промениме начинот на кој размислуваме за замрзнувачите“.
Јохен Хајмејер
Liebherr | Лидер на тимот за вакуумска технологија
Корпоративна одговорност
Како семејна компанија, Liebherr размислува во рамки на генерации и ги заснова своите активности на долгорочен успех, одржлив развој, стабилност и сигурност. Овие принципи ги обликуваат вредносно ориентираната корпоративна култура и самоперцепцијата на Liebherr Group, а се одразуваат и во одговорноста кон вработените, деловните партнери, општеството и кон животната средина.