Frigoriferë, ngrirës dhe frigoriferë të kombinuar ftohës-ngrirës me efikasitet energjie

Ju kujdesuni për ushqimet që konsumoni. Për të tjerat kujdesemi ne.

Frigoriferët tanë vlerësohen vazhdimisht si më të mirët. Dhe kjo jo vetëm në aspektin ekonomik.

Kampionët tanë të efikasitetit janë vërtet të gjithanshëm. Përveç konsumit të ulët të energjisë, ata kanë gjithashtu nivele jashtëzakonisht të ulëta zhurme, hapësirë të bollshme për ushqime, jetëgjatësi të madhe shërbimi dhe rezerva të mëdha fuqie në rastet kur nevojitet.

Kur bëhet fjalë për efikasitetin, ne nuk fokusohemi te vetëm një faktor. Ne mbikëqyrim disa gjëra njëkohësisht. Ose e thënë ndryshe: ne besojmë që të gjitha gjërat e mira vijnë me nga pesë.

Konsumi i energjisë: miqësor me mjedisin

Pajisjet tona tejet efikase në energji ju mundësojnë të kontribuoni në mbrojtjen e mjedisit. Funksionimi me ruajtje të burimeve nënkupton gjithashtu reduktime në emetimet e CO2. Megjithatë, me pajisjet Liebherr mbani të qetë edhe ndërgjegjen tuaj. Për shembull, ne përdorim ftohës natyralë. Dhe i përmbushim përgjegjësitë tona kundrejt mjedisit edhe gjatë prodhimit. Për shembull, fabrikat tona evropiane po kthehen tërësisht me energji të gjelbër.

Reduktoni energjinë elektrike. Jo fuqinë.

Tingëllon kontradiktore të reduktosh konsumin dhe kostot të energjisë elektrike ndërkohë që fuqia mbetet e lartë. Si funksionon kjo? Pikë së pari, sensorët tanë sa vjen e bëhen më inteligjentë. Fuqia ftohëse përshtatet vazhdimisht me përdorimin aktual. Pajisjet Liebherr i përdorin rezervat e plota të fuqisë vetëm kur është patjetër e nevojshme, për shembull për të ftohur një sasi të madhe ushqimesh pas blerjeve të javës.

Qetësia është "e artë".

Në konceptet moderne të banimit kuzhina dhe hapësira e ndenjjes shkrihen gjithnjë e më shumë. Prandaj pajisjet tona kanë zhurmë minimale dhe janë po aq të qeta sa një pëshpëritje. Në disa raste, zhurma arrin një nivel super të ulët prej 29 dB. Avantazhi ynë është se kemi më shumë se 40 vite që kryejmë kërkime akustike dhe kemi dhoma moderne për matjen e tingujve, ku të gjitha pajisjet tona duhet t'i nënshtrohen testeve intensive akustike. Puna jonë ndalon vetëm kur testet të jenë kaluar me sukses.

Vëllim ftohës sipas dëshirës

Ne kemi pajisjet e duhura për çdo familje, konfigurim të ambienteve dhe hapësirë të disponueshme. Duke filluar nga sirtarët shumë të mëdhenj e deri te detajet më të vogla, ne i kushtojmë vëmendje faktit për të mos harxhuar asnjë litër të vëllimit të hapësirës, për shembull nëpërmjet zgjidhjeve të miratuara të ndriçimit duke kursyer vend në trup. Me një fjalë: Me pajisjet Liebherr do të keni hapësirë të mjaftueshme për gjithçka që dëshironi e shumë më tepër.

Ftohje e vazhdueshme.

Frigoriferët tanë janë të besueshëm. Në çdo kohë. Ne kryejmë teste për t'u siguruar që të gjitha pjesët funksionale të kenë një jetëgjatësi shërbimi 15-vjeçare. Dhe në rast të ndonjë problemi, ju garantojmë se pjesët rezervë do të jenë në dispozicion për një kohë të gjatë. Me pajisjet Liebherr, do të mbeteni të kënaqur për vite me radhë. Dhe do të mbroni edhe mjedisin. Kjo për shkak se jetëgjatësia e madhe e shërbimit redukton ndjeshëm konsumin e energjisë dhe burimeve.

01/05

Efikasitet i njëjtë. Etiketë e ndryshme.

Me etiketë të re të energjisë për pajisjet elektronike nga data 1 mars e vitit 2021.

Etiketa e mëparshme e energjisë ishte një ndihmë e kufizuar gjatë blerjeve. Përveç klasës A, ishin dhe klasat A+, A++ dhe A+++. Etiketa e re ju kursen nga plusi i tretë ose i katërt. Pajisjet vlerësohen sërish në shkallën e efikasitetit nga ''A'' deri në ''G''.

Çfarë nënkupton etiketa e re për Liebherr?

Prezantimi i etiketave të reja ka nxitur edhe më shumë dëshirën tonë për të sjellë risi. Pajisjet tona janë rioptimizuar për t'u renditur në klasat më të mira të efikasitetit në treg. Por ne duam t'i përmirësojmë edhe më shumë këto rezultate të shkëlqyera. Prandaj po punojmë për t'ju sjellë risitë e të nesërmes.

Kjo është pamja e etiketës së re të BE-së për energjinë.

1. Kodi QR për identifikimin e produktit në bazën e të dhënave të BE-së EPREL (European Product Database for Energy Labeling).

2. "Identifikuesi i modelit" për identifikimin manual të produktit në bazën e të dhënave të BE-së EPREL, p.sh. nëpërmjet numrit të artikullit.

3. Shkalla e re e efiçencës ''A'' deri në ''G''. Në përgjithësi "G" parashikohet vetëm për frigoriferët e verës.

4. Vëllimi i total i të gjitha ndarjeve të ngrirësit.

5. Vëllimi total i të gjitha ndarjeve të ngrirësit dhe frigoriferit.

6. Niveli i zhurmave tani klasifikohet në klasat "A" deri në "D".

Zbuloni pajisjet tona më efikase.

Frigoriferët tanë përdorin shumë pak energji elektrike. Prandaj, shumë nga pajisjet Liebherr gjenden në klasat më ekonomike të efikasitetit të energjisë. Ky efikasitet ka dy avantazhe: mbron mjedisin. Dhe ul faturën e energjisë elektrike. Konsumi më i ulët nuk ndikon në ftohje: ushqimi juaj do të mbetet i freskët për një kohë më të gjatë.

FNa 6625 plus NoFrost

Frigorifer ngrirës me qëndrim të pavarur me NoFrost

Dimensionet e jashtme: lartësi / gjerësi / thellësi 145,5 / 69,7 / 76 cm
Vëllimi i përgjithshëm 260 l

CBNa 572i plus BioFresh NoFrost

Kombinim ftohës-ngrirës me BioFresh dhe NoFrost

Dimensionet e jashtme: lartësi / gjerësi / thellësi 201,5 / 59,7 / 67,5 cm
Vëllimi i përgjithshëm 360 l

CBNbda 5223 plus BioFresh NoFrost

Kombinim ftohës-ngrirës me BioFresh dhe NoFrost

Dimensionet e jashtme: lartësi / gjerësi / thellësi 185,5 / 59,7 / 67,5 cm
Vëllimi i përgjithshëm 320 l

CBNbda 572i plus BioFresh NoFrost

Kombinim ftohës-ngrirës me BioFresh dhe NoFrost

Dimensionet e jashtme: lartësi / gjerësi / thellësi 201,5 / 59,7 / 67,5 cm
Vëllimi i përgjithshëm 360 l

01/04

Keni pyetje?

Si përcaktohen saktësisht klasat e reja të efikasitetit të energjisë? Çfarë teknologjie duhet të ketë një frigorifer që të konsiderohet pajisje me kursim energjie? Dhe si mund t'ju ndihmojmë të jepni kontributin tuaj për mjedisin? Do t'u përgjigjemi me kënaqësi çdo pyetjeje që keni në lidhje me etiketën e re të energjisë. E presim me padurim mesazhin tuaj: